Kryetari i Kuvendit të Republikës së Maqedonisë, Talat Xhaferi realizoi takim bilateral me kryetarin e Parlamentit të Republikës së Çekisë, Radek Vondraçek, në
kuadër të Samitit të tretë të kryetarëve të Parlamenteve të Evropës Qendrore dhe Lindore, që mbahet në Varshavë.
Gjatë takimit, siç kumtoi shërbimi qeveritar për media, të dy bashkëbiseduesit kanë biseduar për gjendjen aktuale në vend dhe në rajon dhe bashkërisht kanë konstatuar se samitet e llojit të këtij janë mundësi e shkëlqyer për përforcimin e diplomacisë parlamentare, që në të vërtetë është në fokus të këtij Samiti në Varshavë.
Të dy kolegët ranë dakord se ka bashkëpunim të shkëlqyeshëm midis dy vendeve në shumë fusha, veçanërisht në fushën e krizës së migracionit, ku forcat e sigurisë çeke së bashku me forcat e sigurisë të Republikës së Maqedonisë, në nivel jashtëzakonisht të lartë dhe profesional e ushtrojnë detyrën e sigurimit të kufirit jugor.
Xhaferi ka theksuar se një prej prioriteteve të mandatit të tij si kryetar i Shtëpisë Ligjdhënëse është diplomacia parlamentare, si mënyrë e drejtpërdrejtë për komunikim të drejtpërdrejtë mes parlamenteve.
“Kjo paraqet bazë solide për zhvillimin e marrëdhënieve në më shumë nivele të vendeve nga rajoni dhe më gjerë. Republika e Maqedonisë lartë e vlerëson mbështetjen e vazhdueshme që Republika e Çekisë e jep në të gjitha organizatat ndërkombëtare ku është anëtare fuqiplotë”, ka theksuar Xhaferi. Nga ana e tij, Vondraçek ka thënë se për Republikën Çeke integrimi i vendit nga Ballkani Perëndimor në familjen evropiane është alternativa e vetme për siguri dhe stabilitet në rajon. Ka theksuar se
Republika Çeke e pret inkuadrimin më të shpejtë të Republikës së Maqedonisë në familjen evropiane.
Data 29.08.2025
Aktuale
- Ardon Jashari reagon pas lëndimit, ka një mesazh për tifozët
- EMRAT/ Pjesë e një organizatë kriminale për trafik droge, arrestohet dy vëllezër! Janë dënuar me burg nga drejtësia italiane
- Gjoba edhe për këmbësorët nëse kapen me telefon në rrugë
- Maqedonia e Veriut sërish merr borxh – ja sa milionë euro
- VLEN: Arben Fetai shkatërroi planet e BDI-së dhe pengjeve të Gjokës, ndryshimi nuk ndalet
- BDI: Premtuan Akademi të Shkencave shqiptare, e sollën Dodikun dhe donacionet serbe
- ASH: Mexhiti u zhduk kur u dogjën pyjet- ministër i bizneseve, jo i mjedisit jetësor
- Shuhet zjarri në Cerovë, katër zjarre janë ende aktive