Presidenti i Serbisë, Aleksandar Vuçiq sot në Novi Sad deklaroi se të gjithë e kanë ditur epilogun e gjykimit të Ratko Mlladiqit, të dënuarin e shkallës së parë në Tribunalin e Hagës me burgim të përjetshëm për gjenocid dhe krime lufte dhe u kërkoi të gjithë qytetarëve të Serbisë të shikojnë drejt të ardhmes, raporton Anadolu Agency (AA).
“U bëj thirrje qytetarëve të Serbisë të fillojnë të shohin të ardhmen, të mendojnë se si do të ruajmë paqen dhe stabilitetin e rajoni dhe të mos mbërthehemi në lotët e së kaluarës, por nga djersa e luftërave të krijojmë një të ardhme më të mirë për të gjithë ne”, tha Vuçiç para gazetarëve në Novi Sad, i pyetur për të komentuar për aktgjykimin e Ratko Mlladiqit.
Ai tha se Serbia respektoi viktimat e të gjitha kombeve të tjera, por se “lotët serbë nuk kanë prindër”.
Vuçiç tha se të gjithë duhet të punojnë për paqen në rajon që “tmerret e luftës kurrë të mos na ndodhin dhe përsëriten”.
