VMRO-DPMNE: LSDM po e mbron Zaevin nga kriminaliteti

VMRO-DPMNE ka vazhduar akuzat ndaj partisë në pushtet LSDM. Sipas partisë së Hristijan Mickoskit, nga Qendra për komunikim e socialdemokratëve çdo ditë lëshohet po e njëjta kumtesë, apo siç thonë, “të njëjtat teza, të pavërteta dhe gënjeshtra”. “Qendra për komunikim e LSDM-së e mbron Zaevin nga kriminaliteti, nga arsyeja e thjeshtë se ai e prodhon. E mbron me tezat e njëjta të rreme për referendumin, manipulon, e fton VMRO-DPMNE-në etj. Kështu turpi për marrëveshjen kapitulluese nuk mbrohet. Nuk mbulohet as skandali me tenderë dhe punësime partiake të mbi 6.000 personave në administratë. Zoran Zaev dhe LSDM të mos e përdorin referendumin si paravan për grabitje kolektive që ia bëjnë Maqedonisë”, thuhet në kumtesën e VMRO-DPMNE-së.