VMRO-DPMNE ka reaguar ndaj konferencës së zëvendës kryeministrit Fatmir Bytiqi, për të cilën thonë se ai ka konfirmuar një gënjeshtër të madhe të kryeministrit Zoran Zaev. Sipas partisë më të madhe në opozitë, Bytiqi ka pranuar se në vend të 1 miljard eurove, qytetarëve do tu ndahet ndihmë për ballafaqim me krizën vetëm 350 miljon euro, që është për 3 herë e gjysëm më pak se shuma e premtuar nga kryeministri Zaev. Nga VMRO-DPMNE pyesin se ku kanë përfunduar 800 milion euro për të cilat fliste kreu i Qeverisë kohë më parë. Në një kumtesë të kësaj partie, kujtojnë se Zaev ka thënë që në vitin 2020 kanë huazuar 1 miljard euro, në emër të mbështetjes së ekonomisë nga kriza e Kovidit, ndërsa tani shohim se për mbështetje janë ndarë vetëm 350 milionë euro. VMRO-DPMNE akuzon poashtu se qindra miliona euro janë shpenzuar në emër të kovid krizës, por me qëllim korupsionin zgjedhor, për marëveshje koruptive, tendere kriminale, për mbushjen e administratës dhe për blerjen e veturave zyrtare, shampanjave, oktapodëve dhe produkte të tjera.
