Si duket BDI nuk zgjedh mjete për të poentuar politikisht, por keqpërdor
edhe rastet më të dhimbshme vetëm e vetëm që t’i kurojnë egot e tyre për
tu kthyer në pushtet. E fundit është keqpërdorimi me rastet tragjike të
vdekjeve të foshnjave, që është në rënie e sipër, por për BDI-në këto
shërbejnë si mjet për një propagandë të ndyrë. Kjo është një pasqyrë ku
shihet portreti kolektiv i BDI-së si parti e cila për 20 vite shkatërroi
gjithçka, përfshirë edhe shëndetësinë.
BDI duke u munduar ta paraqesin fytyrën e mirë para qytetarëve, ata në
fakt po vet demaskohen, sepse janë në gjendje të keqpërdorin edhe rastet
e dhimbshme për qytetarët, për pikë të ulëta politike.
Zgjidhja e problemeve në sistemin e shëndetësisë në Maqedoninë e Veriut,
që për vite ka çaluar, nuk do të jetë e lehtë apo e lirë, për
rregullimin e së njëjtës. Shëndetësia në vendin tonë që kur VLEN është
pjesë e qeverisë dhe udhëheqë me dikasterin e shëndetësisë është zgjuar
nga “vdekja klinike”. Por, akoma duhet të vazhdojë t’i nënshtrohet
trajtimit të rëndë në mënyrë që të rregullohet plotësisht ky sistem.
Detyrë jo e lehtë por që me plotë shpresë se do të përmirësohet falë
këmbënguljes së ministrit të Shëndetësisë, Arben Taravari.
Fillimi i realizimit të reformave të shumëpritura solli shpresë.
Përpjekja për përmirësim ka ndikuar te pacientët, mjekët dhe i gjithë
stafi mjekësor, si dhe te administratorët. Shëndetësia gjatë viteve të
kaluara kishte humbur jo vetëm reputacionin e besimin, por edhe cilësinë
e shërbimeve më të ndjeshme ndaj pacientëve.
Ndërkaq, vizita e ministrit Taravari në Emiratet e Bashkuara Arabe ishte
në vazhdën e përpjekjeve për të transmetuar punën dhe praktikat më
bashkëkohore të intervenimit mjekësor në Maqedoninë e Veriut, gjë që i
shërben të ardhmes së shëndetësisë në vendin tonë.
Por kjo nuk është e gjitha. Kujtojmë se pas shumë viteve është
përmirësuar lista pozitive e ilaçeve me 9 ilaçe të reja. Dhe, për herë
të parë në historinë e Maqedonisë së Veriut do të punësohen 600
specializantë të ri me vendime me çka do të plotësohet personeli
mjekësorë me qëllim që qytetarët të marrin shërbime sa më cilësore
shëndetësore.
VLEN ka prioritet shëndetin e qytetarëve!
Data 07.07.2025
Aktuale
- Ndalohet qarkullimi për kamionët për shkak të zjarrit afër Bllacës, qarkullimi për veturat devijohet
- VLEN hap shtabin zgjedhor në Strugë, i jepet mbështetje kandidatit Mendi Qyra
- Një helikopter i MPB-së po ndërhyn për të shuar zjarrin afër pikës kufitare në Bllacë
- Evakuohen pacientët dhe personeli i Bardovcit, zjarr në oborrin e Spitalit Psikiatrik
- Aksident me vdekje, makina del nga rruga! Humb jetën një person, detajet e para
- Kujtova se hapet pishina, ata kishin bë parti?!
- Shqiptarët përbëjnë mbi 36% të lindjeve në Maqedoninë e Veriut
- MSH: Ka përfunduar faza e parë e rehabilitimit për 45 të lënduar në “Puls”