Koalicioni VLEN hapi sot zyrtarisht shtabin zgjedhor në komunën e Butelit, duke shënuar fillimin e fushatës për zgjedhjet lokale të 19 tetorit.
Në këtë ngjarje u promovua edhe lista e kandidatëve për Këshillin Komunal, e udhëhequr nga Behar Rexhepi. Rexhepi u prezantua si njeriu i duhur për të qenë zëri i shqiptarëve të Butelit në institucionet vendimmarrëse.
Të pranishëm në tubim ishin edhe krerët e koalicionit VLEN, Izet Mexhiti dhe Zeqirija Ibrahimi. Në fjalimet e tyre, ata vlerësuan lart figurën e Rexhepit dhe listën e tij, duke theksuar rëndësinë e përfaqësimit të denjë të shqiptarëve në këtë komunë.
“Buteli është pjesë e pandashme e Shkupit. Shqiptarët këtu po rriten çdo ditë – në numër, në vetëdije dhe në zë. Ky zë nuk mund të injorohet më. Është koha që ai të shndërrohet në vendimmarrje,” u theksua nga liderët e VLEN.
