VIDEO/ Protesta e studentëve në Tetovë pengohet nga policia

Studentët shqiptarë të Universitetit të Tetovës të organizuar nën grupin me emër “Studentët e Revoltuar”, kanë protestuar sot në Tetovë për kërkim e të drejtave të tyre elementare. Nën thirrjet “poshtë korrupsioni”, “poshtë parititë politike, ne jemi studentë”, “Profesor sa e shet notën”…. ata kanë zhvilluar protestën e sotme pranë Universitetit Shtetëror të Tetovës. Protesta në një moment është penguar nga ana e policisë duke krijuar një kordon policor para institucionit. Por nga ana tjetër protestuesit thonë se nuk u tremben këtyre presioneve dhe se protestat e tyre do të vazhdojnë deri në përmbushjen e kërkesave të tyre.