Pjesa më e madhe e institucioneve shtetërore nuk respektojnë ligjin për përfaqësim adekuat të shqiptarëve. Sipas raportit vjetor të Avokatit të Popullit për vitin 2016 të publikuar dje, numri më I madh I institucioneve vazhdon të diskriminojë shqiptarët në aspektin e punësimeve. Institucionet në të cilat diskriminohen më së shumti shqiptarët fillojnë që nga presidenca ndërsa shifra diskriminuese vërehen edhe në institucionet gjyqësore. Në kabinetin e presidentit nuk ka asnjë shqiptar në postin e personave të zgjedhur apo të emëruar, ndërsa nga gjithsej 60 të punësuar, vetëm 5 janë shqiptar, apo 8.3%. Në Gjykatën Kushtetuese, në pozitën e personave të emëruar janë vetëm 2 shqiptar, ndërkohë që nga 32 të punësuar sa është numri I përgjithshëm vetëm 3 janë shqiptar, apo 9.4 %. Në këshillin gjyqësor prej 43 të punësuarve, 5 prej tyre janë shqiptar.
Në Gjykatën Supreme shqiptarët janë të përfaqësuar vetëm me 7%, përkatësisht prej 100 të punësuarve vetëm 7 janë shqiptar. Në Prokurorinë Publike janë të punësuar 40 persona, prej tyre 7 shqiptar. Në Bankën Popullore në pozitën e personave të emëruar ka vetëm një shqiptar ndërkohë në këtë institucion shqiptarët janë të përfaqësuar me 8.8% apo nga 454 të punësuar vetëm 40 janë shqiptarë. Shqiptarët janë të diskriminuar edhe në Akademinë e Shkencave dhe Arteve, ku përfaqësohen vetëm me 2.7%. Në vendet udhëheqëse nuk ka asnjë shqiptar ndërsa nga numri I përgjithshëm I të punësuarve që është 73 shqiptar janë 2.
Në raportin e Avokatit të Popullit thuhet se edhe këtë vit është konstatuar se në prokuroritë publike, institucionet e ndëshkimit dhe përmirësuese dhe shëndetit publik përfaqësimi i të gjitha bashkësive është akoma i pakënaqshëm. Konstatim i tillë është prezent si në numrin e përgjithshëm të të punësuarve, ashtu edhe në kuadrot udhëheqëse të institucioneve. Avokati i Popullit u ka rekomanduar institucioneve që të ndërmarrin masa konkrete për të ndryshuar këtë gjendje.
Dhjetëra institucione me zero shqiptarë në… by tvshenjaofficial
