Komisioni Antikorrupsion e ndaloi procedurën për formularin e pasurisë së deputetit dhe kryetarit të LSDM-së, Venko Filipçe. Në vendimin që komicioni publikoi të enjten në mbrëmje, theksohet se pas verifikimeve në Kadastër, Regjistrin Qendror, Ministrinë e Punëve të Brendshme, Drejtorinë e të Ardhurave Publike dhe disa banka, është konfirmuar se formulari i Filipçes ishte i plotë dhe nuk kishte fshehje të të dhënave për pasurinë.
Çështja u hap vitin e kaluar, kur qeveria akuzoi Filipçen se nuk kishte deklaruar pasurinë në formularin e pasurisë në Komisionin për parandaliminn e Korrupsionit dhe se gjendja e tij pasurore ndryshonte nga gjendja e mëparshme në fund të mandatit si ministër i Shëndetësisë.
Kryetari i SDSM-së u akuzua se kishte fshehur pasuri, duke mos deklaruar të gjitha shtëpitë e tij. Filipçe këmbënguli se pasuria ishte deklaruar sipas rregulloreve të reja të Komisionit Antikorrupsion dhe se nuk kishte fshehje, por vetëm disa kopje të ndryshme të pasurisë në Kadastrën për të njëjtat prona.
Anida Murati /SHENJA/
