UNIBanka AD Shkup edhe këtë vit është pjesë e manifestimit kulturor më të rëndësishëm në vend, “Vera e Ohrit”. Si mbështetëse tradicionale e festivalit, Banka përsëri konfirmon përkushtimin e saj për të ndihmuar ngjarje kulturore të rëndësishme, duke besuar se kultura është zemra e çdo shoqërie, dhe arti është gjuha që i lidh të gjitha brezat.
Edicioni i 65-të i festivalit tradicionalisht fillon më 12 korrik dhe zgjat deri më 20 gusht. Këtë vit, me një program festiv të pasur, ofron 29 ngjarje muzikore dhe shfaqje të më shumë se 300 artistëve nga SHBA, Kina dhe Europa.
Nën moton “Arti transformon”, Ohri do të shndërrohet në një hapësirë hibride të muzikës, dramës, artit vizual dhe skenës globale kulturore. Koncertet dhe shfaqjet teatrale do të zhvillohen në lokacione unike si Kisha “Shën Sofja” dhe Teatri Antik, duke përbërë një kontribut të rëndësishëm në ruajtjen dhe ringjalljen e trashëgimisë kulturore.
Festivali përfaqëson një urë midis lokalit dhe globalit, duke e dhënë botës mundësinë të njohë Maqedoninë përmes artit. Njëkohësisht, ofron një platformë për muzikantët, aktorët dhe artistët maqedonas për të performuar krah për krah me emra të njohur ndërkombëtarisht.
Çdo vit, më shumë se 30,000 vizitorë nga vendi dhe jashtë saj shijojnë ofertën kulturore në skenat spektakolare nëpër Ohër, duke përjetuar magjinë e artit përgjatë bregut të Liqenit të Ohrit.
Kultura gjithmonë ka pasur fuqinë të bashkojë, të krijojë vlera dhe të ndërtojë lidhje midis njerëzve – vlera me të cilat identifikohet UNIBanka si pjesë aktive e komunitetit.
Brenda kuadrit të përgjegjësisë së saj sociale, UNIBanka do të vazhdojë të mbështesë projektet kulturore dhe sociale, me fokus te të rinjtë, sporti, risitë dhe ruajtja e trashëgimisë kulturore.
Edhe këtë verë, bashkë me UNIBanka, shijoni magjinë e artit në bregdetin e Liqenit të Ohrit.
