Një shpërthim është regjistruar gjatë natës në Moskë, rreth gjashtë kilometra larg Kremlini, ku sipas raportimeve paraprake dyshohet për një sulm me dron.
Kanalet në Telegram raportuan fillimisht për një shpërthim të dëgjuar në kryeqytetin rus, ndërsa më pas publikuan pamje që tregojnë dëmtime në një ndërtesë banimi. Videot që qarkullojnë në rrjetet sociale duket se tregojnë një dron që fluturon në lartësi të ulët drejt qytetit pak para orës 01:00 me orën lokale, i ndjekur nga shpërthime të forta që janë dëgjuar nga banorët.
⚡️ BREAKING: Attack on Moscow — explosions reported six kilometers from the Kremlin
During the night, a drone struck a high-rise building on Mosfilmovskaya Street.
Mayor Sobyanin confirmed the attack. No casualties have been reported.
According to monitoring channels, UAVs… pic.twitter.com/V5WWbIL1e6
— NEXTA (@nexta_tv) May 4, 2026
Sipas raportimeve, dëmet janë konstatuar në katin e sipërm të një pallati apartamentesh pranë Kulla Mosfilm, një kompleks rezidencial luksoz në perëndim të qendrës së qytetit. Në zonë janë parë gjithashtu mbetje të dyshuara të dronit, ndërsa ekipet e emergjencës kanë ndërhyrë menjëherë në vendngjarje.
Kjo zonë konsiderohet elitare dhe ndodhet pranë ambasadave dhe rezidencave diplomatike, çka e bën incidentin edhe më të ndjeshëm nga pikëpamja e sigurisë.
Kryetari i bashkisë së Moskë, Sergei Sobyanin, konfirmoi ngjarjen përmes një postimi në rrjetet sociale, duke bërë të ditur se nuk ka raportime për viktima.
