Një vatër zjarri rrezikoi godinën e Mitropolisë Orthodokse në lagjen “11 Janari” të Gjirokastrës, ditën e sotme.
Raportohet se shërbimi zjarrfikës u njoftua për incidentin rreth orës 11:05 dhe reagoi menjëherë, duke mbërritur në vendngjarje me një grup zjarrfikësish dhe automjet mbështetës.
Zjarri u shkaktua nga qirinjtë e lënë ndezur në vendin e posaçëm të lutjeve fetare.
Nga ndërhyrja e shpejtë dhe efikase u bë izolimi i zjarrit duke mos lejuar depërtimi e tij në pjesët e tjera, të cilat ishin me konstruksion dru dërrase dhe përfshirja në flakë mund të shkaktonte një zjarr masiv.
