Tusk nesër në Maqedoni

Kryetari i Këshillit të Europës, Donald Tusk, nesër do ta vizitojë Maqedoninë. Ai do të takohet me presidentin e vendit Gjorge Ivanov, ku sipas paralajmërimeve, do të bisedojë për krizën me migrantët, rolin e Maqedonisë në trajtimin e kësaj krize, si dhe për gjendjen politike në Maqedoni. Presidenti Ivanov, siç informojnë nga kabineti I tij, përveç për gjendjen aktuale të krizës me migrantët, roli i Maqedonisë dhe gjendja në rajon, do ta njoftojë Tusk, edhe për situatën politike në vend, ndërkaq do të flitet edhe për perspektivën europiane të rajonit.