Tre persona janë lënduar rëndë, ndërsa një më lehtë, në
aksidentin i cili ka ndodhur në Negotinë rreth orës dy pas mesnate. Siç informoi zëdhënësi i SPB Veles, Verolub Dodevski, aksidenti ka ndodhur në rrugën rajonale P 103 Kavadar – Negotinë, në hyrje të Negotinës, në stacionin për kontroll teknik “Antigona”.
“Automjeti i pasagjerëve “opel astra” me targa të Velesit, i drejtuar nga personi 35-vjeçar N.A. nga fshati Stojakovë, ka dalë në anën e majtë dhe e ka goditur rrethojën mbrojtëse dhe objektin e Agroservis”, kumtoi Dodevski.
Drejtuesi i automjetit është lënduar lehtë dhe është ndaluar për mjekim në Spitalin e përgjithshëm të Kavadarit, ndërsa tre bashkëudhëtarët e tjerë, gjithashtu të rinj, janë lënduar rëndë dhe janë transferuar në Qendrën Klinike në Shkup.
