Të hënën nis rigjykimi për rastin “Monstra” , pritet shpërthimi i “bombave” që trondisin ish-funksionarë

Në Gjykatën Themelore Shkupi 1 të hënën pritet të fillojë procesi i rigjykimit të rastit “Monstra”, ku nga e para do të shpaloset dosja e vrasjres së pesëfishtë që ndodhi më 12 prill 2012 pranë Liqenit të Smilkovës në periferi të Shkupit, informon INA. Procesi gjyqësor do të jetë në duart e gjykatësit Ognen Stavrev, pasi që Gjykata Supreme shpalli të pavlefshme aktvendimin gjyqësor të shkallës së parë dhe të dytë, përmes së cilës shtatë shqiptarët e dënuar me burgim të përjetshëm u lanë të lirë, por nën mbikqyrje. Të dënuarit janë: Alil Demiri, Afrim dhe Agim Ismailoviq, Haki Aziri, Sami Luta dhe Fejzi Aziri. Alil Demiri dhe Afrim Ismailoviq tanimë janë në Kosovë dhe se kanë vuajtur një dënim tjetër për posedim armësh ilegale, derisa drejtësia kosovare kishte refuzuar ekstradimin e tyre në mungesë të fakteve. Nga Prokuroria ende nuk kanë zbular se cili prokuror do të përfaqësojë aktakuzën, që ishte përpiluar nga Gordana Geshoska. Avokati Naser Raufi ka kërkuar që të ndryshojë aktakuza, dhe se ka kërkuar që rasti të kthehet nga e para, deri në fazën e hetimeve, pasi që ka pasur shumë lëshime. Më 12 prill të 2012 u vranë pesë të rinj maqedonas dhe një peshkatar, për të cilin thuhet se ka rënë viktimë pasi që kishte parë vrasjen e të rinjve dhe më pas është zbuluar nga vrasësit, të cilët e kanë ekzekutuar. Ky rast është përmendur edhe në aferën e përgjimeve, pasi që vet kryeministri Zoran Zaev kishte theksuar se ka dëshmi në “bombat” e publikuara për involvim të ish-funksionarëve të lartë dhe se zbardhja e tyre mund të nxis tensione në vend. (INA)