Ministri i Drejtësisë, Krenar Lloga, realizoi takim me Drejtorin e Lartë të NDI në vendin tonë, Robert Skot Hejzllet. Në këtë takim u bisedua lidhur me procesin e reformës zgjedhore dhe formimin e grupit të punës për këtë qëllim. Ministri Lloga u falënderua për bashkëpunimin dhe ndihmën nga ana e NDI, e cila do të vazhdojë edhe në periudhën në vijim me synim përparimin dhe demokratizimin e procesit zgjedhor në vendin tonë. Lloga e informoi z. Skot Hejzlet për përkushtimin që i tërë procesi të jetë gjithëpërfshirës, ndërsa zgjidhjet të miratohen me konsensus, duke i përfshirë vërejtjet dhe sugjerimet e partive politike, të ekspertëve dhe organizatave joqeveritare. Përfaqësuesit e NDI ishin të njoftuar se VMRO-DPMNE-së i jepet mundësia të propozojë kryesuesin e grupit punues.
