Takim i Komisionit të Përzier të Ekspertëve Maqedoni-Kosovë në Prishtinë

Sekretari shtetëror në Ministrinë e Punëve të Jashtme, Viktor Dimovski, e udhëhoqi delegacionin e Maqedonisë në takimin e Komisionit të Përzier të Ekspertëve Maqedoni-Kosovë për hapjen e vendkalimit kufitar të dedikuar për komunikacionin rrugor
ndërkombëtar “Stançiq – Bellanoc”, në Prishtinë. Siç kumtoi MPJ, në takimin, i cili u mbajt dje dhe sot, të dyja delegacionet informuan për aktivitetet vijuese lidhur me lëshimin e lejeve për ndërtim të objektit të përbashkët në këtë vendkalim kufitar. Njëherit, ishte arritur marrëveshje edhe për hapat e ardhshme të cilat do të mundësojnë fillim më të shpejtë me ndërtimin e objektit, i cili është i rëndësishëm për popullatën e të dyja palëve të kufirit. Gjatë qëndrimit në Prishtinë, siç thekson, Dimovski realizoi takim edhe me sekretarin e përgjithshëm në Ministrinë e Punëve të Jashtme të Kosovës Fitim Sadiku, si edhe me Albert Vecka, kryetar i Shoqatës së Goranëve Maqedonas të cilët jetojnë në Kosovë.