Ministri i Jashtëm hungarez, Peter Szijarto, tha sot në Shkup se Bashkimi Evropian deklaron publikisht se mbështet zgjerimin drejt Ballkanit Perëndimor, por pas dyerve të mbyllura në takimet e 27 shteteve anëtare, vendet që mbështesin zgjerimin janë pakicë.
Ai theksoi se nëse do të ishin të sinqertë në qëllimin e tyre për t’u anëtarësuar në Union, nuk do të kishin pritur 20 vjet për anëtarësim të plotë.
“Bullgaria po pengon hapur përpjekjet tuaja të integrimit, por ju nuk po prisni 20 vjet në radhë për këtë, sepse bullgarët po e kundërshtojnë. Mos u zemëroni, por duhet të them se situata në këtë drejtim është shumë më e vështirë. Në këtë moment, ato shtete anëtare të BE-së që mbështesin zgjerimin në Ballkanin Perëndimor janë pakicë”, tha Szijarto në një konferencë të përbashkët për shtyp me homologun e tij nga RMV, Timço Mucunski.
Szijarto theksoi se gjatë presidencës hungareze të BE-së, ata kishin bërë përpjekje të forta për të përshpejtuar procesin e pranimit të Ballkanit Perëndimor në BE, por ata vazhdimisht kishin hasur në mure, dhe se, siç tha ai, “ato mure në fakt u ndërtuan nga ato shtete që mbështesin hapur të gjithë këtë proces”.
