Në një atmosferë të jashtëzakonshme në lagjen Mleçan, kandidati për kryetar të komunës së Karposhit, Sotir Lukrovski, u mirëprit nga qindra qytetarë, miq dhe mbështetës, të cilët dërguan mesazhin e qartë të dashurisë dhe përkushtimit për Karposhin.
Në fjalën e tij, Lukrovski shprehu mirënjohje të thellë për këtë mbështetje, duke e cilësuar ngjarjen jo vetëm si një promovim, por si dëshmi se Karposhi është i gatshëm për një faqe të re në historinë e tij.
“Energjia që ndjemë sonte është e veçantë, është energji bashkimi, shprese dhe besimi. Kjo tregon se Karposhi ka forcën për të fituar, për t’u ringjallur dhe për t’u bërë një komunë me të cilën do të krenohemi të gjithë,” tha ai.
Duke nënvizuar mbështetjen e fuqishme nga Qeveria dhe kryeministri Hristijan Mickoski, Lukrovski tha se është i bindur se Karposhi dhe Shkupi do të kthehen në simbole të dinjitetit dhe prosperitetit.
“Para nesh ka sfida, por edhe zgjidhje të mëdha. Mozaiku ynë do të plotësohet vetëm atëherë kur Karposhi të fitojë fuqishëm, dhe besoni, kështu do të ndodhë,” shtoi Lukrovski, duke falënderuar për besimin, dashurinë dhe mbështetjen e qytetarëve.
Ai e mbylli fjalën me mesazhin e tij kryesor: “Dashuri për Karposhin!”
