Gjykata e Apelit në Shkup ia uli dënimin me burg nga 18 në 8 vjet shoferit Angellçe Nikollov nga Velesi, i cili vitin e kaluar më 17 dhjetor, duke vozitur në gjendje të dehur në një vendkalim për këmbësorë në Veles, shtypi për vdekje një vajzë 11-vjeçare dhe rëndë lëndoi nënën e saj, ndërsa më pas u arratis. Siç informojnë nga Gjykata e Apelit, seanca publike është mbajtur më 3 korrik të këtij viti, ndërsa vendimi është marrë më 10 korrik. -Vendimi ka dy pjesë: aktvendim dhe vendim. Aktvendimi ka të bëjë me aktvendimin e shkallës së parë, i cili u ndryshua vetëm në pjesën për sanksionin penal dhe u dënua me dënim prej tetë vjetësh heqje lirie, ku do t’i llogaritet edhe koha e kaluar në paraburgim nga 19 dhjetori i vitit 2022 deri në fillim të vuajtjes së dënimit me burg. Në pjesën e mbetur konfirmohet aktvendimi. Pjesa e dytë është vendim, që i referohet ankesës së refuzuar për masën e paraburgimit. Aktvendimi i shkallës së parë është shqiptuar në Gjykatën Themelore të Velesit nga Këshilli Penal pesë anëtarësh, i kryesuar nga gjykatësja Gabriela Gajdova, në mars të këtij viti.
