Pas pranimit të ekspertizës për gjendjen shëndetësore të Muhamed Zeqirit, gjykimi për ish sekretarin e përgjithshëm të Qeverisë i caktuar për 21 shkurt do të shtyhet, njoftojnë nga Gjykata Themelore Penale Shkup. “Seanca shtyhet me faktin se është marrë ekspertizë me urdhër të gjyqit nga eksperti-psikiatër, sipas të cilit i akuzuari për shkaqe shëndetësore nuk është në gjendje të ndjekë gjykimin e ardhshëm”, theksohet në kumtesë. Përndryshe Zeqiri ngarkohet se duke “keqpërdorur pozitën zyrtare dhe autorizimin” e ka dëmtuar buxhetin e shtetit për mbi 89 milionë denarë.
