Një 18-vjeçar shqiptar që kishte shkuar si turist në Itali, u arrestua nga Karabinierët e Riminit në bregdetin e Miramare-s.
I riu, i cili po udhëtonte me biçikletë, u ndalua nga oficerët në flagrancë për posedim të dyshuar të lëndëve narkotike me qëllim shitjen. Karabinierët filluan të dyshonin për ndalesat e shpeshta të të riut gjatë rrugës dhe për shikimin e tij të vazhdueshëm përreth.
Këto sjellje ngjallën dyshimet e oficerëve dhe shpejt panë që një burrë i panjohur iu afrua adoleshentit. I riu në biçikletë i dha diçka personit dhe më pas u largua shpejt. Në atë moment, oficerët ndërhynë dhe arrestuan të dy të dyshuarit.
Blerësi kishte marrë një pako që përmbante një dozë kokaine, e cila u sekuestrua. Megjithatë, i dyshuari u gjet me 100 euro në para të gatshme, të ardhurat e trafikimit të drogës. Ai është ndaluar në pritje të gjyqit, informon media italiane.
Ndërkohë, blerësi, i cili ndërkohë e kishte hedhur paketën që përmbante drogën në një kopsht lulesh dhe u raportua në Prefekturën e Riminit për përdorim personal të drogës.
