Shiu i rrëmbyeshëm në Kërçovë, përmbyten 50 shtëpi

Nga Qendra për menaxhim me kriza sot kanë informuar se si rezultat i reshjeve të rrëmbyeshme të shiut, në Kërçovë lumi Temnica ka dalë nga shtrati.
Si pasoj e daljes së lumit, janë përmbytur rreth 50 shtëpi në rrugën “Prilepska”, transmeton SHENJA.
Nga QMK shtojnë se gjatë mbrëmjes janë evakuuar një grua dhe një fëmijë, ndërsa për situatën e krijuar janë njoftuar autoritetet kompetente.
Në komunën e Ohrit ka dalë nga shtrati lumi Koselska, me ç’rast janë përmbytur disa shtëpi, ndërsa në fshatin Kosel është përmbytur tokë bujqësore.