Shfuqizohet Programi Kembrixh në shkollat e mesme publike

Qeveria ka sjellë vendim për shfuqizimin e programit Kembrixh në shkollat e mesme publike. Në njoftimin e Qeverisë thuhet se përcaktimi i saj dhe i Ministrisë së Arsimit dhe Shkencës, është arsimi bashkëkohor dhe programe mësimore me cilësi të lartë për përmirësim të procesit edukativo-arsimor në vend. Futja e kurrikulave të reja, thuhet në njoftim, kërkon analizë të proceseve, jo vendime të nxituara, që mes tjerash nënkupton përgatitjen e teksteve shkollore duke përdorur terminologjinë e duhur, që janë të qarta dhe të sakta dhe që janë të përshtatshme për sistemin arsimor të vendit. Nga shkaku i afatit të shkurtër kohor për të siguruar standardet e lartpërmendura dhe për të shmangur situatat e padëshiruara në arsimin e mesëm, Qeveria vendosi të shtyjë fillimin e programit të Kembrixhit në shkollat e mesme për vitin shkollor 2018/2019. /SHENJA/