Nga VMRO-DPMNE akuzojnë se rritja e paralajmëruar e rrymës prej 7.4 për qind është gënjeshtër dhe pretendon se faturat do të jenë më të larta për 18 për qind. Partitë opozitare paralajmërojnë se në muajt e dimrit faturat do të rriten nga 30 deri në 40 për qind. Mirëpo, LSDM-ja u përgjigj se gjatë krizës botërore energjetike dhe ekonomike, Qeveria vazhdon të subvencionojë çmimin e energjisë elektrike për konsumatorët e fundit për 80 për qind. Përllogaritja e tyre është se çdo amvisëri përfiton mesatarisht 3.500 denarë lehtësim në muaj./Alsat.mk
