Pamjet dramatike të publikuara të enjten tregojnë tanke duke u shkatërruar në periferi të Kievit ndërsa trupat ruse pësojnë humbje të vazhdueshme nga forcat e armatosura të Ukrainës.
Trupat ruse illuan dy sulme të mërkurën në Kiev, një përmes Irpinit dhe një tjetër përmes rrethit lindor të Brovary. Videoja tregon një kolonë tankesh duke u zënë pritë me artileri në qytetin e Brovary, në periferi lindore të Kievit, me disa të detyruar të kthehen prapa. Forcat ukrainase pretenduan se tanket e shkatërruara ishin ruse, me një komandant, kolonel Zakharov, i vrarë gjatë luftimeve.
Vadym Denysenko, një këshilltar i ministrisë së brendshme të Ukrainës, tha se forcat e vendit kishin arritur të ndalonin sulmin në Irpin aty pranë dhe po kundërsulmonin të enjten.
”Nata ishte mjaft e vështirë, por në përgjithësi mund të themi se ushtria ukrainase kundërsulmoi afër Kievit. Nuk ka ende informacion të mëtejshëm të detajuar.”-tha ai.
Rusia po përballet me rezistencë të ashpër ndërsa përpiqet të përparojë drejt kryeqytetit, me trupat ruse që i nënshtrojnë qytetet kryesore të Ukrainës ndaj bombardimeve të rënda.
