Rroga minimale do të rritet për 20 për qind

Rroga minimale do të rritet për 20 përqind, pas ndryshimit edhe të ligjit për pagën minimale. Kështu ka deklaruar sot ministri i Punës dhe Politikës sociale Ibrahim Ibrahimi pas një takimi punë te realizuar me përfaqësues të sindikatave reprezentuese në Maqedoni. Ministri Ibrahimi theksoi se bëhet fjalë për bisedime fillestare midis përfaqësuesve të Sindikatës dhe Ministrisë për rritje të pagës minimale. “Atë që fillimisht konfirmuam është se ka hapësirë, ka dëshirë për rritje të pagës minimale dhe besoj se së shpejti në bisedimet plotësuese me përfaqësuesit e sindikatave, me punëdhënësit, do të gjejmë modus të përbashkët, zgjidhje të përbashkët për rritje të pagës minimale për rreth 20 për qind. Analizat të cilat janë bërë nga Ministria e Punës dhe Politikës Sociale dhe nga Lidhja e Sindikatave të Maqedonisë përputhen”, tha ministri  Ibrahimi. /SHENJA/