Rrjetet sociale tashme janë bërë pjesë e jetës së përditshme. Por jo rrallë, është trajtuar çështja nëse këto rrjete janë me të vërtetë sociale apo asociale, sepse ato shpesh here po keqpërdoren, si për denigrim, bullizëm e fryje. Duke folur për rastin në gjinekologjinë e Tetovës sociologu Hasan Jashari tha se rrjetet sociale do të ishte më mirë të përdoren për të dëshmuar kushtet e këqija të spitalit.
“Ne vazhdimisht duhet ta shohim aspektin zhvillimor, si ti zhvillojmë perspektivat qytetare, shënim kritik për mbrojtjen e ambientit jetësor. Do të ishte mirë se si t’i japin një pamje, si mund ta mbrojmë natyrën, si të mbrohet dinjiteti i njerëzimit. Ne do të ishim të kënaqur sikur mjekët tonë në spitalin klinik të Tetovës të nxirrnin në tik-tok kushtet e vështira që punojnë, se realisht punojnë në kushte të vështira dhe të shohim se si mund t’i përmirësojmë ato kushte”, tha Hasan Jashari – sociolog.
Gjuha e urrejtjes sipas Jasharit vjen si pasojë e mos arsimit të shoqërisë në nivelin e duhur edhe ato mos pasjen njohurive e apo argumenteve shfrytëzojnë mllefin edhe gjuhën e urrejtjes .
“Para dy viteve kuvendi i Maqedonisë ka sjell uljen e dënimeve, por praktika shoqërore tregon se duhet të ashpërsohen dënimet. Të dallohet ajo se çka është mendim i lirë, çka është kritikë, çfarë është fyerje, gjuhë mizore, gjuhë e urrejtes, denigrim. Duhet ata qartë të definohen. Nuk guxojnë njerëzit që nuk kanë tituj shkencor, të paraqiten me dy tre tituj shkencor akademik dhe fyejnë çdo kënd, apo siç thotë populli të hedhin një gurë në pus”, deklaroi Hasan Jashari – sociolog.
Në Maqedoni nuk ka një kufizim të publikimeve në rrjetet sociale, ndërsa vetë rrjetet sociale kanë vendosur limite se çka mund të publikohet ose jo.
