Në një takim të zhvilluar në Komunën e Tetovës, Ambasadori i Republikës Franceze në Maqedoni, Christian THIMONIER njoftoi dhe njëkohësisht e uroi Kryetaren e Komunës së Tetovës Teuta Arifi për titullin Oficer i Urdhërit Kombëtar të Nderit (Officier dans l’ordre national du merite), të cilin i’a ndan qeveria Franceze përmes ambasadës së saj në Shkup. Në takimin e zhvilluar në Komunën e Tetovës u bisedua edhe për situatën e përgjithshme politike në vend, opsionet e mundshme për përmbyllje të krizës si dhe stabilizimi politik i vendit.
