Kryetari i Lëvizjes Populli, Skender Rexhepi Zejd, ka reaguar pas një incidenti të rëndë që ndodhi në qytetin e Manastirit, ku një qytetar shqiptar me shtetësi suedeze u sulmua fizikisht vetëm pse kishte veshur një bluzë me shqiponjë.
Më poshtë reagimi i plotë i Rexhepit:
𝐄𝐝𝐡𝐞 𝐧𝐣ë 𝐬𝐤𝐚𝐧𝐝𝐚𝐥 𝐧ë 𝐌𝐚𝐪𝐞𝐝𝐨𝐧𝐢𝐧ë 𝐞 𝐕𝐞𝐫𝐢𝐮𝐭!
Një qytetar shqiptar me shtetësi suedeze u sulmua në Manastir vetëm pse kishte veshur bluzë me shqiponjë.
Kjo është pasqyrë e një klime urrejtjeje të mbjellë nga qeveria monoetnike dhe antishqiptare. Kjo gjuhë e nxitur nga institucionet qeveritare i bënë huliganët të ndihen të fuqizuar, por çmimin do ta paguajë bashkëjetesa ndëretnike.
Sot u sulmua një shqiptar me shtetësi suedeze. Nesër kush do të jetë viktima e radhës? A është kjo një sinjal se shqiptarët në Maqedoninë e Veriut duhet të jetojnë me frikë për sigurinë e tyre dhe familjarëve të tyre?
𝐊𝐮𝐬𝐡 𝐦𝐛𝐣𝐞𝐥𝐥 𝐞𝐫ë, 𝐝𝐨 𝐭ë 𝐤𝐨𝐫𝐫ë 𝐟𝐮𝐫𝐭𝐮𝐧ë!
