Pala mbrojtëse në rastin e lagjes së Trimave ka dërguar ankesë deri te Gjykata e Apelit kundër vendimit të 2 nëntorit të vitit të kaluar ku 26 të akuzuarit e “Lagjes së Trimave” u dënuan me 746 vjet burg dhe 8 me burg të përjetshëm. Avokati Mefail Asllani tha se kërkohet rigjykim I këtij rasti gjyqësor. Ai shprehet se për zbardhjes e plotë të rastit është i nevojshëm hetimi ndërkombëtar dhe theksoi nevojën për një avokat amerikan të përfshirë në rast. Familjarët thonë se ky proces ishte I montuar dhe se këto persona janë plotësisht të pafajshëm.
