Rasti i Kumanovës, Zaev flet për hetimin ndërkombëtar

Kryeministri Zoran Zaev, i pyetur sot në lidhje me atë se deri ku është hetimi ndërkombëtar për rastin e Kumanovës, tha se njëherë duhet të përfundoj i tërë procesi gjyqësor që të mund më pas, të kyçen edhe ekspertë ndërkombëtar, të cilët do të mund të komentojnë vendimin ose të japin sugjerime, raporton SHENJA.
“E dini se që kur kemi publikuar se Qeveria është e gatshme për ekspertizë ndërkombëtare, kemi vërtetuar se në pajtueshmëri me rregullativat ligjore se ajo nuk mund të bëhet në mes të një procesi gjyqësor. Duhet që të përfundoj faza përfundimtare dhe të hyjë në fuqi vendimi, që të mund më pas të kyçen përfaqësues ndërkombëtar, si komentues, si njerëz që do të jenë në vet procesin. Mendoj se detajet mund t’i tregoj ministria e drejtësisë, në varshmëri me procedurën, kur ka përfunduar një fazë e caktuar, ku nëpërmjet ekspertizës ndërkombëtare do të mund të komentohet ose të jepen qëndrime të caktuara”, ka deklaruar kryeministri Zoran Zaev, raporton SHENJA.