Qyteti i Shkupit ka dhënë detaje në lidhje me autobusin numër 5 të Ndërmarrjes Qarkullimi Publik që u përfshi nga zjarri mëngjesin e sotëm.
Sipas tyre fatmirësisht nuk ka asnjë udhëtar të lënduar. Në shuarjen e zjarrit kanë intervenuar gjashtë zjarrfikës nga Njësiti i Zjarrfikësve të Qytetit të Shkupit.
“Sipas dëshmisë së shoferit, njëri nga udhëtarët që ka qenë në katin e dytë ka alarmuar se është paraqitur tym. Shoferi menjëherë ka ndaluar autobusin më pas kanë zdrypur udhëtarët. Ai ka tentuar ta shuaj zjarrin vetë, por pa sukses. Më pas ka thirrur zjarrfikësit të cilët kanë arritur ta vënë zjarrin nën kontroll”, thuhet në njoftimin e Qytetit të Shkupit.
