Sot më 06 mars 2018, Qeveria e Republikës së Maqedonisë në mbledhjen e saj të 57 – të morri vendim për themelimin e Ansamblit të këngëve dhe valleve shqipe në Maqedoni.
Në komunikatën e Qeverisë thuhet „ Për shkak të kultivimit të këngëve dhe valleve të komunitetit shqiptarë në Republikën e Maqedonisë, Qeveria në seancën e sotme morri vendim për themelimin e institucionit kombëtar „ Ansambli i këngëve dhe valleve shqipe në Republikën e Maqedonisë„ si organizatë jofitimprurëse në fushën e kulturës”.Ansambli shtetëror i këngëve dhe valle shqipe selin e saj do ta ketë pikërisht në Shkup.
