Qeveria, akoma pa vendim për ndarjen e posteve

Grupet e punës së partive politike për ndarjen e mbetur të posteve sot u takuan në Kuvend mirëpo nuk nxitojnë të marrin vendime konkrete. Nga BDI-ja duke mos dhënë detaje më të hollësishme thanë se grupet e punës nuk kanë biseduar për emra konkrete dhe se takimet do të vazhdojnë edhe ditëve në vijim. Këtë e deklaruan edhe nga Aleanca për Shqiptarët. Sipas tyre, pas koordinimit të grupeve të punës, kryeministri Zoran Zaev qoftë me anë të telefonatës ose me takime sy më sy me kryetarët e partive Ali Ahmetin dhe Ziadin Selën do të japin fjalën e fundit për postet në eshalonin e dytë dhe të tretë të qeverisë së re. Zaev në disa raste ka deklaruar se nuk pret pengesa gjatë bisedimeve me BDI-në dhe Aleancën në lidhje me postet e zëvendës-ministrave dhe drejtorëve të institucioneve, dhe se pret vulosja e emrave konkret të bëhet më së voni në fillimin e javës së ardhshme.