Prokuroria e Zvërlevskit do të shpenzojë 82 mijë euro për lëndët elektronike

Prokuroria e udhëhequr nga Marko Zvërlevskit do të shpenzojë 82 mijë euro për lëndët e udhëhequra në mënyrë elektronike. Për mirëmbajtjen e hardverit dhe softverit për udhëheqjen elektronike të lëndëve dhe për inçizime elektronike, prokuroria e Marko Zvërlevskit, për shkarkimin e të cilit për të dytën ditë me radhë po diskutohet në Kuvend, lëshoi shpallje te Byroja për Furnizim Publik. Vlera e llogaritur e marrëveshjes pa TVSH është 5.084.746 denarë, ose rreth 82 mijë euro. Te shpallja shkruan se kriteriumet për ndarjen e furnizimit është çmimi më i ulët, kurse periudha për të cilën bëhet furnizimi është 12 muaj. Në fjalimin e djeshëm para deputetëve, prokurori Marko Zvërlevski, tha se në kohën e tij janë blerë telefona dhe kompjuterë për prokurorët dhe kanë filluar të paguhen taksat për punën jashtë orarit të punës dhe punës për vikend.