Presidenti i rrëzuar i Sudanit Omar al-Bashir ishte i vetmi që kishte hyrje në dhomën e Pallatit Presidencial ku u gjetën miliona monedha vendase dhe të huaj, tha një dëshmitar mbrojtës dhe ish-kreu i Zyrës së Presidentit në seancën e fundit gjyqësore të liderit.
Dëshmitari tha që ai personalisht u dha një total prej 10.65 milion euro (11.8 milion dollarë) subjekteve të ndryshme, përfshirë nënkryetarin e Forcave të Ndihmës së Shpejtë dhe Universitetin Ndërkombëtar të Afrikës në Khartoum.Bashir, i cili u rrëzua në një grusht shteti ushtarak në prill pas një kryengritjeje të gjatë popullore, po përballet me akuza për korrupsion dhe posedim të paligjshëm të monedhës së huaj.Ish presidenti sudanez është burgosur në të njëjtin burg famëkeq Khartoum, ku breza disidentësh politikë u mbajtën nën sundimin e tij tre dekadësh.
“Al-Bashir ishte i vetmi që kishte çelësin për dhomën ku u gjetën paratë. Misioni im ishte vetëm të dorëzoja paratë ashtu siç kishte porositur al-Bashir,” Gjeneral Major Yassir Bashir, i cili drejtoi zyrën midis 2015 dhe 2018, i tha gjykatës.Ai tha se i dha 5 milion euro nënkryetarit të RSF-së, Abdul Rahim Dagalo, vëllai i të cilit udhëheq grupin paramilitar dhe besohet se është gjenerali më me ndikim që udhëheq vendin.
Një dëshmitar i dytë që punon si llogaritar në universitet konfirmoi marrjen e 4.5 milion eurove. Atij iu tha që paratë ishin dhënë si “mbështetje” nga presidenti.
