Të mërkurën nga ora 14:30 deri në ora 15:00, zyrtarët policorë të Gostivarit kanë arrestuar personat J.S.(22) dhe F.S.(19) nga Gostivari dhe J.Z.(24) nga Banjica e Epërme e Gostivarit, për shkak të dyshimit se kanë kryer “shkatërrim pylli” në lokalitetin “Bunar”, i Banjicës së Epërme, ku janë prerë një numër i madh i drurëve. J.S. u kap në vend, kurse F.S. dhe J.Z. janë arrestuar pak më vonë në afërsi të lokacionit në fjalë. Të tre janë ndaluar në komisariat për zbardhjen dhe dokumentimin e rastit, ndërsa drunjtë e prerë dhe automjeti i gjetur i janë dorëzuar Ndërmarrjes Publike Pyjet Kombëtare- menaxhimi me Pylltarinë “Sharr” nga Gostivari.
