Hetuesit e Policisë Financiare dhe inspektorët e Ministrisë së Brendshme, dje kanë hyrë në zyrat e NP “Ujësjellës dhe kanalizimi” pas informacionit që qarkulloi në opinion publik. Veprimi i tyre vjen pas pretendimeve të kryetares së Shkupit, Danella Arsovska, për një tender të dyshimtë për ndërtimin e stacionit të filtrimit të ujërave të zeza që derdhen në lumin Vardar. Vlerësimi i ofertave të tenderit, përkundër kontrollimit së dokumentacionit, nuk është vënë në pikëpyetje, tha drejtori i ri i ndërmarrjes publike Marjanço Mitovski, ndërsa edhe kryetarja Arsovska konfirmoi se hetimet kanë filluar. Pasi të mblidhet i gjithë dokumentacioni, i njëjtë do t’i dorëzohet Prokurorisë, e cila do të përcaktojë nëse ka pasur abuzime.
