Përgënjeshtrim nga MBPEU i teksteve që i publikuan Kurir dhe Infomaks

Ministri i Bujqësisë, Pylltarisë dhe Ekonomisë së Ujërave Lupço Nikollovski në mënyrë të ashpër i përgënjeshtron informatat e nxjerra në portalet Kurir dhe Infomaks, se kushëriri i tij i parë është zënë në përpjekje për kontrabandim. Se bëhet fjalë për informata të rreme dhe të pasakta dhe përpjekje të manipulohet opinioni, shihet nga vetë tekstet e publikuara në të dy portalet, në të cilat nuk potencohet kurrfarë emri, ku dhe si ka ndodhur ngjarja, por vetëm lidhja farefisnore.
“I qartë është qëllimi i politikës redaktuese të Kurir dhe Infomaks, të njolloset emri dhe puna e suksesshme e ministrit Nikollovski, në periudhën kur si asnjëherë në 11 vitet e fundit, në kohë dhe në mënyrë joselektuese paguhen subvencionet për bujqit, vendosen masa zhvillimore dhe projekte të mëdha për zhvillim të bujqësisë së Maqedonisë”, theksohet në kumtesën e MBPEU-së. Ministri Nikollovski më ashpër i dënon të pavërtetat e tilla dhe përpjekjet të manipulohet opinioni, veçanërisht bujqit. Ministri Nikollovski u bën thirrje të dy portaleve urgjentisht t’i tërheqin tekstet dhe të kërkojnë falje, në të kundërtën do të vijojë padi.