Zvicra është përfshirë nga një skandal i rrjedhjes së të dhënave bankare ku klientë të bankës ishin përfshirë në tortura, trafik droge, pastrim parash, korrupsion dhe krime të tjera të rënda.
Nga rrjedhja e të dhënave bankare është i përfshirë edhe mbreti Abdullahi cili ishte pronar përfitues i të paktën gjashtë llogarive të bankës private “Credit Suisse”.
Në vitin 2011, ndërsa revoltat popullore jehuan në Lindjen e Mesme, një monark në mes të gjithë këtyre trazirave mori disa vendime bankare. Diku atë vit, ndërsa Egjipti dhe Siria fqinje u tronditën nga protesta të rëndësishme qytetare, mbreti Abdullah II i Jordanisë hapi dy llogari të reja me Credit Suisse, bankën zvicerane që i kishte shërbyer në mënyrë diskrete rajonit për dekada të tëra. Abdullah, një nga monarkët aktualë më jetëgjatë në botë, kishte zgjedhur një bankier që imbante sekretet, veçanërisht mbi pasurinë e tij personale. Gjatë pesë viteve të ardhshme, mbreti ishte pronari përfitues i të paktën gjashtë llogarive në Credit Suisse, ndërsa gruaja e tij, mbretëresha Rania, kishte një tjetër.
Sipas një sasie të madhe të dhënash të rrjedhura nga banka që i emëron të dy anëtarët e familjes mbretërore si mbajtës të llogarive, një llogari më vonë do të vlente 230 milion franga zvicerane.
Revoltat, të cilat u quajtën Pranvera Arabe, çuan në rrëzimin e liderëve në Tunizi, Egjipt, Libi dhe Jemen, dhe në Siri shpërtheu një luftë brutale e zgjatur. Kurse Jordania, një nga shtetet me sigurinë më efikase në rajon, qe në gjendje të shmangte një kërcënim nga një opozitë e sapolindur, përmes shtypjes së mospajtimit dhe premtimeve për ditë më të mira.
Por një dekadën që nga ajo kohë, një ekonomi në vështirësi, nivele të vazhdueshme të varfërisë, papunësi e lartë, shkurtime të mirëqenies dhe masat shtrënguese në dukje gjithmonë të pranishme kanë vazhduar të nxisin pakënaqësi në të gjithë vendin. Një pengesë e veçantë ka qenë ballafaqimi midis pasurisë së dukshme të mbretit dhe përpjekjeve dërrmuese të vazhdueshme që duruan shumica e qytetarëve vetëm për t’ia dalë mbanë. Ndërsa FMN-ja pranoi të shpëtonte Jordaninë, me kusht që njerëzit e saj të shtrëngonin rripat e tyre kolektivisht, mbreti qarkullonte shuma të mëdha midis llogarive të tij zvicerane.
Të dhënat e Credit Suisse përmbajnë detaje të 18,000 llogarive bankare të zbuluara në Süddeutsche Zeitung nga një sinjalizues i cili tha se ligjet zvicerane të sekretit bankar ishin “imorale”. Të dhënat u ndanë me Guardian dhe 47 media të tjera si pjesë e një hetimi global të quajtur sekretet svicerane.
Më herët në tetor të 2021, emri i tij ishte edhe ne dokumentat e “Pandora Papers” ku si një aleat i ngushtë i Shteteve të Bashkuara, përmes një llogarie në një vend të huaj, shpenzoi më shumë se 100 milionë dollarë për blerjen e shtëpive luksoze në Kaliforni, Uashington dhe vende të tjera.
