Pas kontrolleve të cilët i ka zbatuar Inspektorati Shtetëror Sanitar gjate vikendit të vazhduar, do të pasojnë 27 kallëzime penale kundër objekteve hotilerike të cilët nuk kanë vepruar në përputhshmëri me protokollet për koronavirus, kanë bërë të ditur nga kabineti i zv/ministrit për luftim të korrupsionit, Lupço Nikollovski, transmeton SHENJA.
Gjatë tre ditëve të kaluara, Inspektorati ka kryer 1 336 kontrolle edhe 104 mbikëqyrje.
Të shtunën janë vërejtur më tepër parregullsi dhe do të ketë 12 kallëzime penale dhe katër kundërvajtje për lokale të cilët kanë shkelur protokollet shëndetësore.
Të dielën dhe të hënën, ka pasur më pak parregullsi dhe bilanci i këtyre ditëve është 15 kallëzime dhe katër kundërvajtje.
Kallëzimet janë për mosrespektim të protokolleve shëndetësore, ndërsa kundërvajtjet kanë të bëjnë me mosrespektim të orarit të punës, ndalesës për pirje të duhanit, objekteve të paregjistruara dhe mos respektim të ndalesës për punë. /SHENJA/
