Pagat janë zvogëluar për 400, ndërsa pensionet për 200 denarë

Gjatë verës është shënuar rënie e pagës minimale në Maqedoni për 400 denarë, ndërsa tani janë dëshpëruar edhe pensionistët. Pensionet e muajit tetor janë për 150 ose 250 denarë më pak se në muajin shtator. Pensionistët presin rritje lineare të pensioneve nga 600 denarë që ishte praktikë e VMRO-DPMNE-së, ndërkohë që nga qeveria e re fituan ulje të pensioneve që ka shkaktuar panik dhe dëshpërim tek pensionistët.  Ndryshe, ministri i financave kur e prezantoi propozim buxhetin për vitin e ardhshëm tha se do të ketë rritje të pensioneve.