SPAK, në bashkëpunim me Policinë e Shtetit, kanë zhvilluar këtë të premte një operacion të gjerë kundër krimit të organizuar, duke ekzekutuar 20 masa sigurie ndaj personave të dyshuar për trafikim të lëndëve narkotike dhe pastrim parash.
Sipas të dhënave paraprake, hetimet lidhen me një grup të strukturuar kriminal që dyshohet se ka qenë i përfshirë në trafik droge dhe në qarkullimin e shumave të konsiderueshme të parave me origjinë të paligjshme.
Gazetarja Klodiana Lala raporton se në kuadër të këtij operacioni është arrestuar shtetasi me inicialet O.S., ndërsa tre persona të tjerë, Artur Shehu, Ilir Shtufi dhe Edmond Jaupi, janë shpallur në kërkim.
Operacioni vijon ende, ndërsa pritet që SPAK dhe Policia e Shtetit të japin detaje të mëtejshme mbi rezultatet e aksionit.
The post Operacioni i SPAK dhe policisë me 20 masa sigurie, një i arrestuar! Në kërkim Ilir Shtufi dhe Edmond Jaupi appeared first on Gazeta Shqiptare Online.
