Kryetari i Aleancës për Shqiptarët, Arben Taravari, është shprehur se nuk sheh asgjë tragjike në takimet që ka patur me liderin e BDI-së, Ali Ahmeti. Ai ka thënë se këto kanë qenë takime të rastësishme dhe ku nuk është biseduar ndonjë temë e rëndësishme.
“Unë edhe kur ka pasur takime pa kamera, kam insistuar nga ekipi i PR që të tregohet sepse nuk fshehim asgjë. Ne komunikojmë me të gjitha partitë politike, edhe maqedonase edhe shqiptare, përveç me Levicën, me të gjithë të tjerët kemi komunikim të rregullt dhe do të vazhdojmë”, ka deklaruar Taravari.
