Komunikacioni në rrugën rajonale Prilep-Gradsko në vendin e quajtur “Zaposhki most” në dalje nga Prilepi është normalizuar, kumtoi Lidhja Auto-Moto e Maqedonisë. Ndërkohë, për shkak të largimit të rrëshqitjeve të tokës në afërsi të fshatit Istibanja, komunikacioni në aksin rrugor Koçan-Makedonska Kamenicë është në ndërprerje në të dy drejtimet.
Nga LAMM potencojnë se komunikacioni në rrugët shtetërore zhvillohet kryesisht nëpër rrugë tëblagështa, ndërsa borë me intensitet të dobët bie në Bukovë. Dukshmëri e zvogëluar prej (50 deri në 100 metra) për shkak të mjegullës ka në vendkalimin malor Strazhë dhe (30 deri në 50 metra) nga Mavrova deri në Bunec. LAMM rekomandon kujdes gjatë drejtimit të automjetit, shpejtësi të adaptuar të lëvizjes dhe respektim të sinjalizimit të vendosur rrugor.
