Qeveria e Maqedonisë miratoi informatën për formimin e një njësie kombëtare për parandalimin e trafikimit me migrantë dhe tregti me njerëz. Qeveria tha se do të firmoset memorandum për bashkëpunim mes MPB dhe Prokurorisë Publike në fushën e parandalimit të trafikimit me migrantë dhe qenie njerëzore.
Trafikimi me migrantë viteve të fundit ishte një nga bizneset më profitabile ilegale në Maqedoni dhe rajon. Ruta ballkanike tashmë është mbyllur më shumë se një vit dhe me këtë është ulur qarkullimi i migrantëve. Por MPB në disa raste vazhdon të kap raste të trafikimit të migrantëve, të cilët hyjnë përmes kalimeve ilegale.
