Një pjesë e gjykatësve të pakënaqur nga vlerësimi

Të mërkurën Këshilli i Gjykatësve do t’i shqyrtojë ankesat e kandidatëve gjykatës për kryetarë të Gjykatës Penale dhe asaj Supreme, të cilët nuk janë të kënaqur me vlerësimin e jashtëzakonshëm. Kryetari i Këshillit të Gjykatësve, Zoran Karaxhovski, nuk deshi të thotë se cilët prej gjykatësve mendojnë se nuk janë vlerësuar në mënyrë përkatëse. Komisioni prej tre anëtarësh do t’i shqyrtojë ankesat dhe do të vlerësojë nëse vërejtjet e gjykatësve janë të bazuara ose ndoshta Këshilli ka gabuar gjatë vlerësimit. Karaxhovski paralajmëroi se deri në fund të këtij muaji, më me siguri do të mbahet seancë në të cilën do të zgjidhen kryetarët e Gjykatës Penale dhe Gjykatës Supreme. Për njësinë e Shkupit në lojë janë gjykatësit Vlladimir Pançevski dhe Ivan Xholevi. Për pozitën e kryetarit të Gjykatës Supreme luftohen Lidija Nedellkova, Snezhana Bejlozova, Jovo Vangelovski dhe Besa Ademi.