Një nga televizionet nacionale private në Maqedoni lë punëtorët pa rroga ?!

Njërit prej televizioneve nacionale së fundi i është bllokuar llogaria bankare për shkak të borxheve. Portali Dokazm ka thënë se bëhet fjalë për televizionin Kanal5 me pronar Emil Stojmenov. Atij i është bllokuar llogaria për shkak se nuk kanë shlyer borxhet për serialet e blera. Sipas portalit, kjo ka bërë që ti bllokohet llogaria dhe se siç shkruhet nuk ka më kush t’ia mbrojë interesin. Kjo situatë ka bërë që punëtorët e këtij televizioni të ngelin pa rroga. Por nga Kanal5 nuk kanë komentuar këtë shkrim të këtij portali. Kanal5 konsiderohet si përkrahës i deritanishëm i politikave të qeverisjes së VMRO-DPMNE, ndërsa pronari i saj ishte në njërën bisedë të publikuar të përgjimeve.