Një nga ambasadorët e vendeve të BE komenton daljen e ASH-së nga Qeveria

Një nga ambasadorët e vendeve të rëndësishme të BE-së në një deklaratë që nuk ka dëshiruar të bëhet publike ka theksuar se Aleanca për Shqiptarët nuk duhet të braktisë Qeverinë. “Është vendim i ngutshëm. Duhej analizuar mirë dhe duhej diskutuar me kryeministrin. Por ende nuk është vonë dhe se palët mund të gjejnë një gjuhë të përbashkët sepse bëhet fjalë për një qeveri të pakicës me numra të brishtë që do të përballet me probleme. Ndërsa viti 2018 është vit vendimtar që kërkon përgjegjësi dhe përkushtim për të arritur prioritetet e përcaktuara”, theksoi për INA, ambasadori evropian në Shkup. Ai thotë se për momentin gjendet në vendlindjen e tij dhe se pas kthimit pas festave do të diskutojë për këtë temë me Zaev dhe me Selën, por mbi të gjitha sipas tij, bëhet fjalë për pozicionime dhe interesa politike partiake. (INA)